EPS TOPIK - 2 (Myanmar)

တောင်ကိုရီးယားနိုင်ငံသို့ သွားရောက် အလုပ်လုပ်ကိုင်ကြမယ့် သူများအတွက် EPS TOPIK စာမေးပွဲအတွက် နောက်ဆုံးသင်ရိုးသစ်ကို HRD Korea က ထပ်မံ ပြဌာန်းလိုက်ပါတယ်။ ဒီသင်ရိုးသစ်မှာ ထူးခြားတာကတော့ စကားပြောအပိုင်းတွေ အရင်နဲ့ မတူတော့ပဲ အသစ်တွေ ဖြစ်ပါတယ်။ အရင်စာအုပ်နဲ့ တည်ဆောက်ပုံတွေ အကုန်တူပေမယ့် အကြောင်းအရာတွေတော့ မတူအောင် စီစဉ်ထားတာ တွေ့ရပါတယ်။ ယဥ်ကျေးမှုနဲ့ သတင်းအချက်အလက်ပိုင်းမှာလည်း အရင်က တင်ပြပုံနဲ့ မတူတော့တာ တွေ့ရပါတယ်။ နောက်တစ်ခုကတော့ အပိုင်း ၂ တစ်ခုလုံးရဲ့ အခန်း ၃၁ ကနေ ၆၀ အထိဟာ လုပ်ငန်းသုံး ကိုရီးယားတွေပဲ ဖြစ်ပါတယ်။ ဒါကြောင့် ကိုရီးယားမှာ သွားအလုပ်လုပ်မယ့် မည်သူမဆို ဒီအပိုင်း ၂ ဆော့ဝဲက မရှိမဖြစ် ဆောင်ထားရမယ်လို့ ယုံကြည်ပါတယ်။ ဒီဆော့ဝဲမှာတော့ အခန်းတိုင်းစီကို သင်ခန်းစာ ရည်ရွယ်ချက်၊ ဝေါဟာရ၊ ဝေါဟာရ လေ့ကျင့်ခန်း၊ သဒ္ဒါ၊ သဒ္ဒါလေ့ကျင့်ခန်း၊ ယဥ်ကျေးမှုနှင့် သတင်းအချက်အလက်၊ ဖတ်နိုင်မှုနဲ့ နားထောင်မှုဆိုပြီး တစ်ခုချင်း လေ့လာရလွယ်အောင် စီစဉ်ပေးထားပါတယ်။ လေ့ကျင့်ခန်းတွေမှာ မြန်မာဘာသာပြန်ကို ကြည့်ချင်ရင် အဖြေကို မှန်အောင်ရွေးပြီးမှ ဘာသာပြန်ခလုပ်က ပေါ်လာမှာ ဖြစ်ပါတယ်။ ဒါမှလည်း မရသေး သူက နှိပ်ကြည့်နိုင်သလို၊ ရပြီးသား သူကလည်း ကျော်သွားနိုင်မှာ ဖြစ်ပါတယ်။ ကိုရီးယား စာသားတိုင်းလိုလို TTS နဲ့ အသံထွက်ရအောင် လုပ်ပေးထားတဲ့အတွက် လိုအပ်လို့ အသံထွက် နားထောင်လိုတဲ့အခါ စာသားပေါ် နှိပ်လိုက်ပါ။ ကိုယ့်ဖုန်းနဲ့ TTS အဆင်ပြေအောင်တော့ ချိန်ညှိထားဖို့ လိုပါမယ်။ ဒေါင်းပြီး သုံးကြည့်ပါ။ ပထမဆုံး ဗားရှင်း ဖြစ်တဲ့အတွက် အမှားအယွင်းတွေ ရှိနေနိုင်ပါသေးတယ်။ လိုအပ်တာ ထောက်ပြခဲ့ရင်လည်း ဆော့ဝဲကို ကောင်းသထက်ကောင်းအောင် ပြင်ဆင်ပေးသွားပါမယ်။ EPS စာမေးပွဲ ဖြေဆိုကြမည့် သူများအတွက် အသုံးဝင်သည့် သင်ထောက်ကူ ဆော့ဝဲတစ်ခုဖြစ်ရန် ရည်ရွယ်ပါတယ်။ ကျေးဇူးတင်ပါတယ်။

ဝေါဟာရ အသံထွက် မရတဲ့ ဖုန်းတွေအတွက် ဆက်တင်ထဲမှာ Mp3 ပြောင်းပြီး နားထောင် လေ့လာလို့ ရပါပြီ။