سهرة: الدخيل ومين فينا؟

كلكم عارفين الكلمة… إلا واحد. «الدخيل» وخمس ألعاب تانية للقعدة، من موبايلاتكم، ومجانية من غير إعلانات ولا حاجة مقفولة. «سهرة» ألعاب قعدة مصرية. واحد يعمل أوضة، والباقيين يدخلوا بالكود أو باللينك أو بمسح QR. ومش لازم كل الناس تنزّل التطبيق: اللعبة شغّالة كمان من المتصفح. وافتحوها على التلفزيون أو اللابتوب، تبقى شاشة مشتركة للقعدة كلها. «الدخيل»، من ٤ لـ١٠ لاعبين (وفيه وضع تجربة لـ٣): • كل واحد بيشوف الكلمة على موبايله، إلا الدخيل: هو بيشوف الفئة بس. • كل واحد يقول تلميح، وبعدين تتناقشوا وتصوّتوا في السر على اللي شاكين فيه. • لو مسكتوا الدخيل، ليه فرصة أخيرة يخمّن الكلمة. • «الكلمة القريبة»: الدخيل بياخد كلمة قريبة من كلمتكم، ومايعرفش إنه الدخيل. • التلميح بالكلام، أو بالرسم في «الفنان الدخيل». • للقعدات الكبيرة: «الشاهد»، ودخيلين من ٧ لاعبين. • من غير نت: العبوها على موبايل واحد بيلف عليكم. • وصحابك بعيد؟ «كل واحد في مكان»: التلميح بيتكتب والنقاش رسايل. «مين فينا؟»، من ٣ لـ١٠ لاعبين: • سؤال للكل: «مين فينا…؟»، وكل واحد يختار حد من القعدة في السر. • اللي خد أكتر أصوات هو الجواب، وكل اللي اختاره بياخد نقطة. • والشلة تقدر تكتب أسئلتها عن نفسها. «اكدب صح»، من ٣ لـ١٠ لاعبين: • سؤال جوابه غريب، وكل واحد يكتب جواب كداب يقنع بيه الباقيين. • وبعدين تدوّروا على الجواب الصح وسط الكدب، وكل اللي يصدّق كدبتك نقطة ليك. «معايا إيه؟»، من ٢ لـ١٠ لاعبين وانتو قاعدين مع بعض: • مع كل واحد صورة، الكل شايفها إلا هو. • اسأل أسئلة جوابها «أيوه» أو «لأ»، وخمّن صورتك قبل الباقيين. «ارسم وخمّن»، من ٢ لـ١٠ لاعبين: • بالدور، كل واحد بيرسم حاجة موبايله بس اللي شايفها، بالألوان، والباقيين بيكتبوا هي إيه. • الرسمة بتبان على كل الموبايلات والتلفزيون وهي بتترسم، والأسرع في التخمين ياخد أكتر. • وبعد كل رسمة الكل بيشوف التخمينات الغلط، عشان الضحك. «عدّيها»، على موبايل واحد: • الكلمة على جبهتك، وصحابك يوصفوهالك، وتلحق قبل الوقت ما يخلص. ولو فريقين، اللي يجيب أكتر يكسب. اللي فيها: • ٣٦ باقة كلمات لمصر وفلسطين والسعودية، وباقات عربية تنفع لأي قعدة: أكلات، وأماكن، وأفلام، وأغاني، وكورة، وحيوانات، ومهن، وغيرهم. • اللعبة بتقترح باقات بلدك لوحدها، والمضيف يقدر يغيّرها. • «الشلة»: نقط صحابك بتتجمع من سهرة للتانية، وكل شهر فيه بطل، وكلمات وأسئلة تكتبوها عن نفسكم. • «ملفك» على موبايلك: مستويات، وألقاب، وتحدي كل أسبوع. • لو النت فصل، ارجع مكانك بنفس نقطك. • كارت للنتيجة تشاركه مع الجروب. • زرار «بلّغ» لأي كلام أو رسمة مضايقة. مجانية خالص: من غير تسجيل، ولا إعلانات، ولا حاجة تتشترى. اكتب اسمك، واختار وشّك، والعب.

• «قواعد القعدة»: تحت زرار الدخول بقت فيه القواعد اللي بنلعب بيها، يعني إيه الممنوع، وإيه اللي بيحصل لو حد كتب أو رسم حاجة مضايقة. • لينك «سياسة الخصوصية» بقى جوّه التطبيق.