App-Suche

ع الزلط: لعبة سواقة سودانية

com.alzalat.app
Action Kostenlos Everyone In Google Play öffnen
5,000+
Installationen · ≈8.2K
★ 5.00
124 Bewertungen
2026-10-31
erste Veröffentlichung
2026-11-14
letzte Aktualisierung

Beschreibung

Market and walk through the real streets of Khartoum: the Arab Market and Nile Street, Mishawir and Tarmbat

ع الزلط لعبة سواقة سودانية في شوارع الخرطوم الحقيقية. اركب الركشة ولا الأمجاد وانزل الزلط: شارع النيل من المقرن جنب برج الفاتح لحدي بري، والسوق العربي بشوارعو كلها، القصر والجامع والحرية وجاكسون. الشوارع مبنية من خريطة حقيقية (OpenStreetMap)، فبتلقى نفس اللفّات والتقاطعات والمعالم البتعرفها: المسجد الكبير، عمارة الذهب، أبراج الواحة والواحة مول. طرق اللعب • سواقة حرة: سوق لأبعد مسافة. وفي السوق العربي بقت «استكشاف»: لف في الشوارع ولاقي الأماكن المعروفة، وكل مكان تلقاهو بيديك قروش. • مشاوير: شيل الراكب ووصّلو محل ما داير، واقبض الأجرة على حسب المسافة. في السوق الراكب بيقول ليك الشارع ولا المكان، والخريطة بتوريك الطريق. • الكمساري: سوق الهايس ولا الكوستر، أقيف في المحطات، والناس الواقفين بيأشروا ليك ويركبوا ويدفعوا. • سابق الزمن: الحق النقاط قبل الوقت يخلص، وكل نقطة بتزيدك ثواني. • اتحداني: سابق صاحبك أونلاين بكود الغرفة، وعربيتو بتظهر معاك في الشارع، والبيوصل أول بيكسب. الطرمبة زي الحقيقة البنزين بينقص وانت سايق. في السوق العربي أربعة طرمبات، والخريطة بتوريك أقربها. خش الطرمبة والعامل بيجيك في الشباك: «بنزين؟ أعبي ليك بكم؟». اختار بي 10 ولا بي 20 ولا فُل التانك، وعداد الطرمبة بيعد قدامك، وبعداك أدفع الحساب. ولو البنزين قطع في الشارع، ناس الحلة بيدفروا ليك العربية، ولا ولد الطرمبة بيجيب ليك جركانة بالموتر. انزل وامشي في السوق وقّف عربيتك جنب الرصيف في السوق العربي، وانزل امشي بكرعينك: اطلع الرصيف وامشي بين البياعين وستات الشاي، والعربيات بتقيف ليك لما تقطع الشارع. وارجع اركب عربيتك متين ما داير. ما بتركب إلا عربيتك. 11 عربية سودانية ركشة، أمجاد، كارو، موتر بوكسر، أكسنت، تاكسي أصفر، هايس، بوكس دبل كابينة، كوستر، دفار ولاندكروزر. كل عربية ليها سرعتها وتحكمها وفراملها. اجمع القروش من السواقة والمشاوير والزوغات واشتري عربيتك. الشارع حي • زحمة ركشات وأمجادات وهايسات ودفارات وكوارو وموترات. • إشارات مرور، والبيقطع الأحمر بيدفع مخالفة. ومطبات. • ناس ماشين وقاطعين الشارع، وأصحاب درداقات، وستات شاي وبياعين في الرصيف. • في شارع النيل حمير وغنم بتقطع الزلط. • نقاط شرطة في أطراف السوق. • المعلّق بيتكلم بالسوداني، والكماسرة بينادوا «الكلاكلة!»، وأصوات السوق الحقيقية. التحكم دركسون وبنزين وفرامل في الشاشة، وغيار قدام وورا، وبوري، ونيترو، وفلاشر. والكاميرا من ورا العربية ولا من جوه العربية، وتقدر تسحب الشاشة وتلف حوالين العربية. ولما تنزل، جويستيك للمشي. حسابك محفوظ اعمل حساب، وقروشك وعربياتك والأماكن اللقيتها بتتحفظ، وتلقاها في أي تلفون. ع الزلط لعبة سودانية من الخرطوم. يلا على الزلط!

Bewertungsverteilung

5★124
4★0
3★0
2★0
1★0

Details

Version2.25.0
Mindestversion Android7.1
Rezensionen8
Website des Entwicklersalzalat.com
Verfügbar inweltweit (242)
Entwicklerkontakteim Business-Tarif
Erfasst2026-11-18

Chart-Platzierungen

In 4 Charts in 4 Ländern, bester Platz: 69.

Tschad · free#69 GAME_ACTION
Libyen · free#117 GAME_ACTION
Katar · free#154 GAME_ACTION
Saudi-Arabien · free#172 GAME_ACTION

Diese Daten in der API

Der vollständige Eintrag als JSON kostet 1 Token.

curl -H "X-API-Key: YOUR_KEY" \
  "https://apkapi.com/api/v1/app?id=com.alzalat.app"